மகாராஷ்டிரா ஜார்க்கண்டில் அடுத்து யார் ஆட்சி? கருத்துக் கணிப்புகள் கூறுவது என்ன?

மறுபுறம், பாஜக, ஏக்நாத் ஷிண்டே தலைமையிலான சிவசேனா, அஜித்பவார் தலைமையிலான தேசியவாத காங்கிரஸ் ஆகிய கட்சிகள் மகாயுதி கூட்டணியில் தேர்தலை சந்தித்தன.

டைம்ஸ் நவ்-ஜேவிசி கருத்துக்கணிப்பில் பாஜக தலைமையிலான மகாயுதி 150 முதல் 167 தொகுதிகளிலும், காங்கிரஸ் மற்றும் அதன் கூட்டணி 107-125 தொகுதிகளிலும் வெற்றி பெறும் என தெரிவிக்கப்பட்டுள்ளது

மெட்ரைஸ் சர்வே- மகாராஷ்டிராவில் உள்ள 288 சட்டமன்றத் தொகுதிகளில் 150-170 தொகுதிகளையும் பாஜக மற்றும் அதன் கூட்டணி கட்சிகள் கைப்பற்றும் என இந்த கருத்துக்கணிப்பு தெரிவித்துள்ளது.

காங்கிரஸ் மற்றும் அதன் கூட்டணி கட்சிகள் 110 முதல் 130 தொகுதிகளை கைப்பற்றும் எனவும், மற்றவர்களுக்கு 8 முதல் 10 தொகுதிகள் கிடைக்கும் எனவும் கூறப்பட்டுள்ளது.

பீப்பிள்ஸ் பல்ஸ் கருத்துக்கணிப்பில் பாஜக மற்றும் அதன் கூட்டணி கட்சிகளுக்கு 182 தொகுதிகளும், காங்கிரஸ் மற்றும் அதன் கூட்டணி கட்சிகளுக்கு 97 தொகுதிகளும் கிடைக்கும் என தெரிவிக்கப்பட்டுள்ளது

சாணக்யா ஸ்ட்ராட்டஜி கருத்துக்கணிப்பில் பாஜக தலைமையிலான மகாயுதி கூட்டணி 152 முதல் 160 வரையிலான தொகுதிகளையும், காங்கிரஸ் மற்றும் அதன் கூட்டணி கட்சிகள் 130-138 வரையிலான தொகுதிகளையும் கைப்பற்றும் என தெரிவிக்கப்பட்டுள்ளது.

பி மார்க் கருத்துக்கணிப்பில் பாஜக தலைமையிலான மகாயுதி கூட்டணி 137- 157 தொகுதிகளையும், காங்கிரஸ் மற்றும் அதன் கூட்டணி கட்சிகள் 126-146 தொகுதிகளையும் கைப்பற்றும் என தெரிவிக்கப்பட்டுள்ளது

இதற்கு மாறாக, சில கருத்துக்கணிப்புகளில் இரு கூட்டணிகளுக்கும் இடையே கடும் போட்டி நிலவுவதை முடிவுகள் பிரதிபலிக்கின்றன.

டைனிக் பாஸ்கர் கருத்துக்கணிப்பில், பாஜக தலைமையிலான மகாயுதி கூட்டணிக்கு 125-140 தொகுதிகளும், காங்கிரஸ் கூட்டணிக்கு135-150 தொகுதிகளும் மற்றவைக்கு 20-25 தொகுதிகளும் கிடைக்கும் என குறிப்பிட்டுள்ளது.

லோக்ஷாஹி மராத்தி-ருத்ரா கருத்துக்கணிப்பு மகாயுதி கூட்டணி 128-142 தொகுதிகளையும், காங்கிரஸ் கூட்டணி 125-140 தொகுதிகளையும், மற்றவை 18-23 தொகுதிகளையும் கைப்பற்றுவார்கள் என்று கணித்துள்ளது.

ஜார்க்கண்ட் மாநிலத்தில் பாஜக பெரும்பான்மையான இடங்களில் போட்டியிட்டு அதன் கூட்டணியில் உள்ள அனைத்து ஜார்க்கண்ட் மாணவர் சங்கத்திற்கு பத்து இடங்களை வழங்கியது.

இந்தியா கூட்டணியின் முக்கிய கட்சிகளை உள்ளடக்கிய ஜேஎம்எம் மற்றும் காங்கிரஸ் ஆகிய கட்சிகள் பாஜக கூட்டணிக்கு எதிராக களம் கண்டது.

ஜார்க்கண்ட் தொடர்பாக வெளிவந்துள்ள அனைத்து கருத்துக் கணிப்புகளும் பா.ஜ.க தலைமையிலான தேசிய ஜனநாயகக் கூட்டணி வெற்றி பெற வாய்ப்புகள் இருப்பதாக கூறுகின்றன.

மேட்ரைஸ் கருத்துக்கணிப்பில் தேசிய ஜனநாயக் கூட்டணி 42-47 தொகுதிகளும், ஜார்கண்ட் முக்தி மோர்ச்சா (JMM) தலைமையிலான இந்தியா கூட்டணிக்கு 25-30 தொகுதிகளும், மற்றவை 1-4 தொகுதிகளும் கைப்பற்றக் கூடும் என்று கூறப்பட்டுள்ளது.

சாணக்யா ஸ்ட்ராட்டஜி கருத்துக்கணிப்பில், பா.ஜ.க தலைமையிலான தேசிய ஜனநாயக் கூட்டணி 45-50 தொகுதிகளையும், இந்தியா கூட்டணி 35-38 தொகுதிகளையும், மற்றவை 3-5 தொகுதிகளையும் பெறும் என்று கணிக்கப்பட்டுள்ளது.

பீப்பிள்ஸ் பல்ஸ் கருத்துக்கணிப்பில், தேசிய ஜனநாயக கூட்டணிக்கு 44-53 தொகுதிகளும், அகில இந்திய கூட்டணிக்கு 25-37 தொகுதிகளும் கிடைக்கும் என எதிர்பார்க்கப்படுகிறது.

இந்தத் தேர்தல் முடிவுகள் சனிக்கிழமை அதாவது நவம்பர் 23-ஆம் தேதி வெளியாகும்.

– இது, பிபிசிக்காக கலெக்டிவ் நியூஸ்ரூம் வெளியீடு.