பிவி சிந்து-வெங்கடா தத்தா சாய் திருமண வரவேற்பு நிகழ்ச்சியில் குடும்பத்தினருடன் அஜித் பங்கேற்பு

செய்தி முன்னோட்டம்

பிரபல பேட்மிண்டன் வீராங்கனை பிவி சிந்து, தொழிலதிபர் வெங்கட தத்தா சாயியை உதய்பூரில் ஞாயிற்றுக்கிழமை திருமணம் செய்துகொண்டார்.

இந்த தம்பதியினர் தங்களது நண்பர்கள், உறவினர்கள் மற்றும் நலம் விரும்பிகளுக்காக ஹைதராபாத்தில் செவ்வாய்க்கிழமை பிரமாண்டமான வரவேற்பு நிகழ்ச்சியை நடத்தினர்.

இந்த திருமண வரவேற்பு நிகழ்ச்சியில் நடிகர் அஜித்குமார் உள்ளிட்ட திரையுலக பிரபலங்கள் கலந்து கொண்டனர்.

கருப்பு நிற உடையில், க்ளீன் ஷேவ் லுக்கில், ‘குட் பேட் அக்லீ’ படத்திற்காக சமீபத்தில் வெளியான இளமை தோற்றத்தில் அஜித் வந்திருந்தார்.

உடன், அவரது மனைவி ஷாலினி மற்றும் குழந்தைகளும் வந்திருந்தனர். நடிகை ஷாலினியும் திருமணத்திற்கு பின்னர் மாநில அளவில் பல பேட்மிண்டன் போட்டிகளில் கலந்து கொண்டவர் என்பது குறிப்பிடத்தக்கது.

இந்த புகைப்படங்கள் தற்போது வைரலாகி வருகிறது.