By 
சிவகங்கையில் தமிழ்நாடு ஊராட்சி செயலாளர்கள் சங்கம் மாநில மையம் சார்பாக ஊராட்சி செயலாளர்களை ஓய்வூதிய திட்டத்தில் இணைத்திட வேண்டி ஒற்றை கோரிக்கையை வலியுறுத்தி அரசு கவன ஈர்ப்பு ஆர்ப்பாட்டம் நடைபெற்றது
சிவகங்கை மாவட்டம் மாவட்ட ஆட்சித்தலைவர் அலுவலக வாசலில் தமிழ்நாடு ஊராட்சி செயலாளர்கள் சங்கம் மாநில மையம் சார்பாக மாவட்ட தலைவர் பாக்கியராஜ் தலைமையில் ஊராட்சி செயலாளர்கள் ஒற்றை கோரிக்கையை வலியுறுத்தி முதற்கட்டமாக அரசின் கவன ஈர்ப்பு ஆர்ப்பாட்டத்தில் ஈடுபட்டனர்.
இந்த கவன ஈர்ப்பு ஆர்ப்பாட்டத்தில் முறையான கால முறை ஊதியம் பெற்று வரும் ஊராட்சி செயலர்களை தமிழக அரசின் ஓய்வூதிய திட்டத்தில் இணைத்து ஊராட்சி ஒன்றியங்களில் பணியாற்றும் பதிவறை எழுத்தர்களுக்கு உண்டான அரசின் சலுகைகளை ஊராட்சி செயலாளருக்கும் விரிவுபடுத்தி அரசாணை வெளியிட வேண்டும் என்பதை வலியுறுத்தி கோஷங்கள் எழுப்பி கவன ஈர்ப்பு ஆர்ப்பாட்டத்தில் ஈடுபட்டனர்.
மேலும் இது ஒற்றைக் கோரிக்கையை வலியுறுத்தி ஏப்ரல் 4ம் தேதி சென்னை ஊரக வளர்ச்சி துறை ஆணையம் முன்பு பெருஞ்திறல் முறையீடும் அதே போன்று ஏப்ரல் 21 ஆம் தேதி காத்திருப்பு போராட்டமும் மூன்று கட்டங்களாக நடைபெற இருக்கிறது என்பது குறிப்பிடத்தக்கது.
