By உக்ரைனில் அமெரிக்க தூதரகம் தற்காலிகமாக மூடப்பட்டுள்ளதற்கான பரபரப்பு அறிவிப்பு
உக்ரைன் தலைநகர் கீவ் நகரில் செயல்பட்டு வந்த அமெரிக்க தூதரகம், தற்காலிகமாக செயல்பாடுகளை நிறுத்துவதாக அறிவித்துள்ளது. இன்று (நவம்பர் 20), ரஷ்யா கீவ் நகரை இலக்காகக் கொண்டு மிகப்பெரிய வான்வழித் தாக்குதல் மேற்கொள்ளலாம் என்ற தகவலின் அடிப்படையில், இந்த முடிவு எடுக்கப்பட்டுள்ளது.
தூதரகம் வெளியிட்ட அதிகாரப்பூர்வ அறிக்கையில்,
“மிகவும் எச்சரிக்கையுடன், தூதரகத்தின் செயல்பாடுகள் தற்காலிகமாக நிறுத்தப்பட்டு, அனைவரும் உடனடியாக பாதுகாப்பான இடங்களுக்கு செல்ல வேண்டும்,”
என்று அறிவிக்கப்பட்டுள்ளது.
இந்த முன்னெச்சரிக்கை, அமெரிக்கா உக்ரைனுக்குத் தற்போது வழங்கிய ATACMS நீண்ட தூர ஏவுகணைகள் ரஷ்ய எல்லைக்குள் செலுத்தப்பட்டதைத் தொடர்ந்து, இரு நாடுகளின் இடையிலான மோதல் மேலும் தீவிரமடைந்த சூழ்நிலையைத் தெளிவாக்குகிறது.
இதற்கு முந்தைய காலங்களிலும், மேற்கத்திய நாடுகளின் ஆதரவுடன் உக்ரைன் மேற்கொண்ட நடவடிக்கைகள் ரஷ்யாவின் கடுமையான எதிர்ப்புகளுக்கு உள்ளாகியுள்ளது. குறிப்பாக, ரஷ்ய ஜனாதிபதி விளாடிமிர் புடின்,
“உக்ரைன் நீண்ட தூர ஏவுகணைகளை ரஷ்ய எல்லைக்குள் பயன்படுத்தும் முயற்சிகள், நேட்டோ நாடுகளையும் நேரடியாகச் சந்திக்க செய்யும்,”
என்று எச்சரித்திருந்தது குறிப்பிடத்தக்கது.
இந்த தகவல் கீவ் நகர மக்களிடையே பதற்றத்தை ஏற்படுத்தி, நகரின் பாதுகாப்பு குறித்து புதிய கேள்விகளை எழுப்பியுள்ளது.
